Para sa mga Ina

Tanging Ina Ka

Hindi maitatanggi sa isang tahanan ang kahalagahan ng isang Ilaw. Ilaw na

nagbibigay liwanag sa isang pamilya. Ang liwanag na ito'y naitatangi sa iba't ibang

pangalan; nanay, ina, mommy, mamu, mama at para sa iba, tatay. Ang mga ina ay isa sa

mga pinakamahalaga ngunit pinakanakakaligtaan na sektor hindi lamang sa Pilipinas kundi

maging sa buong mundo. Ang mga ina ang nagdadala ng sanggol sa kanilang sinapupunan

sa loob ng siyam na buwan. Sa tingin ng nakararami ay madali lamang ang kanilang

pinagdaraanan. Lingid sa kanilang kaalaman ang labis na hirap na kanilang pinagdaraanan

mula sa pagiging mahihiluhin, sensitibo sa amoy, iyakin, hanggang sa pagsakit ng binti at

balakang sa bigat ng sanggol. Sila ay kalimitang minamaliit bilang tamad at walang silbi.

Habang si mister ay nagtatrabaho sa labas ng bahay, ikaw naman ay naiiwan sa loob ng

bahay. "Wala ka man lang nalinis sa bahay, anong ginagawa mo maghapon?", "Wala ka

namang trabaho.", "Ang pangit pangit mo, mukha kang tinamaan ng kidlat", "Para kang

baka!", " Tigilan mo na iyang pagpapadede mo. Ang payat ng anak mo walang sustansy

yang gatas mo!" Ilan lamang iyan sa mga masasakit na katagang kadalasang naririnig ng

isang bagong ina. Ito ang estado ng mga ina sa lupunan. Ang mga tatay, makapagbigay

lamang ng pangkain kahit mambabae, basta't sa pamilya umuwi, mabuting ama parin. Pero

ang nanay? Madungis lamang ang anak, nakakuha ng mababang marka sa eskwela, di

mapatahan ang anak, masamang ina na. Ito ay isang halimbawa ng pagkumpara sa estado

ng mga ina.

Sa trabaho at pag-aaral, kapag ginawa mo ang lahat ng iyong makakaya,

makakatanggap ka ng mga gantimpala ng “best in”. Sa pagiging ina, tila laging “worst mom

award” ang binibigay ng ibang tao kahit anong sikap mo. Paano nga ba? Ano ba ang

indikasyon para masabi na mabuti kang ina? Payo dito, payo doon, lahat ng ito ay maaaring

sundin ngunit hindi palaging tama para sa iyong anak. Walang tama o mali sa pagpapalaki

ng anak. Lagi mong isipin na ang pagiging ina ay naibabaluktot. Walang isang direktang

paraan tungo sa ibang “best mom”. Paano na lamang kung wala ang mga ina? Wala nang

magluluto para sa inyong pamilya, gigising ng madaling araw upang pagatasin ang bata,

maglalaba, at iba pa. Ang buhay ay mas magiging mahirap kung wala tayong ina. Kung

mahirap na ang magtrabaho ng maghapon sa labas, paano pa kaya ang mga ina na walang

vacation leave o sick leave na maaaring kunin dahil para sa mga ina, may mga anak

nangangailangan ng kanilang tugon sa lahat ng panahon. Ang pamilya ang

pinakamahalagang biyaya na maaari tayong magkaroon. Dapat nating pahalagahan ang

parte ng bawat isa.

Kailangan lamang maiba ang ating perspektibo upang makita natin ang kahalagahan

ng mga ina. Kung ganito ang mentalidad ng mga tao, tataas ng kumpyansa ng isang

pamilya sa pagpapalaki ng isang anak. Mababawasan ang patriarka sa pamilya sapagkat

mababatid natin na pantay lamang ang tungkulin ng isang ina at ama. Mas nanaisin ng mga

ama o iba pang parte ng pamilya na maging parte ng pagpapalaki ng isang bata.

Mapapalitan ang mga pangungutya at ito’y mapapalitan ng pag-aaruga at pagpapahalaga sa

mga ina. Ina, iyong tandaan na hindi ka nag-iisa. Isa kang mabuting ina.